Es Mordche un die Feldschitze

Die Geschichte "Es Mordche un die Feldschitze" (Der Mordche und die Flurwärter) lässt sich sowohl im Bergsträßer Anzeigeblatt als auch im Werk "Bensemer Plaschderstaa" (Bensheimer Pflastersteine) finden. Im Bergsträßer Anzeigeblatt erschien die Geschichte bereits am 12. Juli 1930, in der Monographie, welche Spenden für das neue Bensheimer Schwimmbad bringen sollte, erst im Februar 1934.

Dasses Mordche en Willdieb woar, däs häwwe die Spatze vum Dach gepeffe. Die Leit inde Stadt häwwes gewißt, inde Umgäjend die Leit häwwes gewißt, die Kinner häwwes gewißt, die Joagdelbrierer häwwes gewißt, die Herrn vum Kreisamt häwwes gewißt, uffde Boijermoaschderei häwweses aa gewißt, am Gericht hot mers gewißt, ei sogoar die Bolezei hots gewißt, awwer nochweise, däs hotsem Kaaner kenne. Dann er woar schlauer, wie die all zamme. Im Gäjedaal, er hot sich e Vegnieje draus gemoacht, se ande Noas rumzefiehrn. Iwrigens hot de Mordche Hoase net nor geschosse, er hotse aa gepriejelt un innerer Fall gefange. Wanner sou im Winter iwwers Feld gange is, do horrer schun vun weirem gesähe, wuen Hoas gehockt hot. Ande Luft, wu ufssteije deht, dehters mäike, häwwe die Leit gesoat. Er is dann kerzegroad druff lousgange un hot e Liedche vor sich her gepeffe. Der Hoas hot sich iwwerlekt: Soll ich do hocke bleiwe orrer soll ich mich per mache. Hups ich uff, do sieht der mich glei, bleiwich do hocke, daamelt der Jockel an aam vebei. Dann schieße will der aam net, sunschd dehrer net peife. Un vun hunnert Hoase sin oachdunnoinzig hocke blewe. Es Mordche hot gepeffe, bisser am Hoas woar. Dann horrer sou schnell wieen geehlder Bliz en Knibbel aus soim Wammes gerobbt un hot dem Hoas aans uffs. Hern gedellert, dasser wieen nasser Sack higeblumst is. E anner Mol wirrer horrer soi Hoase gefange. Er hot nemlich draus vorde Stadt en grouße Goarde gehatte. Mädde droi woar e Land mit Grusselbeern. Dodezwische häwwe Krautkepp noch vum Summer her geschdanne. Wann do alles veschnaicht woar, hot Kaans gesähe, daß do droi e grouß Fall uffgeschdellt woar. Kaa Mensch hots gewißt, nor er. Dann er hot kaan Deiwel in soin Goarde gelosse. Jeeren Mojend horrer die Fall oabgesucht un sou de Winter dorch e schäi Portion Häselchin rausgehollt. An soim Goardezaun häwwe an alle vier Seite e poar Ladde gefehlt, daß die Hoase besser häwwe noischlubbe kenne. Daß mol aans hinner soi Schlich kumme kennt, hot sichs Mordche im Traam net oifalle losse. Awwer aamol kimmt alles ande Doa. For den Bezäik, wu em Mordche soin Goarde geläje hot, woar en neier Feldschitz ougeschdellt worrn. Der hot soin ganze Ehrgeiz noigesetzt, däs fertig zebringe, woas kaam vun soine Vorgenger geglicht woar, nemlich es Mordche bei de Willdiewerei zeschnabbe. Er horren Doag un Noacht beluert. Dorchen Zufall woarer hinner däs Gehoimnis mit dere Fall kumme. Er hot em Kumeroad soi Endeckung ouvertraut un aneme eiskoalte Wintermojend, wies noch sackdunkel woar, sinn die zwaa zamme naus gemoacht. Es hot geschnaicht, woas vum Himmel runner gekennt hot. Awwer unser zwaa Feldschize hot däs net oabhoalte kenne. „Heit kriehn mern!“, häwwese gedenkt un däs hotse alles um sich rum vegässe losse. Nor net - die Fall, uff die woar ehrn erschde Blick gericht, wiese an Ort un Stell oukumme woarn. Se woar zugeschnabbt. Alsou - woaren Hoas droi. Se häwwe sich dicht ande Laddezau geleckt, dassen der geressene Hund vuneme Mordche net wirre auswitsche kennt. Es woarn hadde 2 Stunn, wiese do draus in dere Hundekelt geläje häwwe. Se woarn ganz vollgeschnaicht. Mer hotse vunde Ackerscholle umse rum net mäih unerscheire kenne. Do is endlich aus dem grove Schnäistorm die Gestalt vum Mordche uffgedaacht. „Achtung, awwel gilts“ hot de Chrischdoph soim Kulleg zugespischbert. „Awwel mechder die Goadedeer uff. Da - jeh gäihrer an die Fall.“ „Un in die Fall“ hot de Jakob mitsamtem Chrischdoph geglaabt. Uffgebaßt!“ De Mordche is ganz bedächtig um die Fall rumgange. Dodebei horrer soi Luxaage unner soim Filzhiedel noach alle vier Richdunge hi rumgäih losse. „Aha, do driwwe leihese“, horrer vor sich higebrummt un hot soi Mailche vezoge. Do hot mich die Spur doch net gedeicht.“ „Ich mecht mol wisse, woas do wirrer droi is“, horrer jetz ganz laut zu sich selbschd gesoat. Däs sin doch kaa Katzepoure, wu do im Schnäi rumgedabbt sin; do krichschde doch glei die Krenk.“ Er hot sich gebickt un mit aam Ruck en grouse schäine Hoas aus soiner Fall rausgerobbt. „Du Dunnerkeil, du schläächder“, horrer geschennt, „bischde dann schun wirrer do, woas duhschde dann in dere Fall, haa? Die is doch for die Katze un net for die Hoase, wanndes noch net wisse sollschd. Woart, ich will ders mol weise, daßde drou denke duhschd.“ Mit dene Worte hots Mordche den Hoas am Wickel kricht un horren rumgebatschd, daß die Hoahrn aus soim Belz rumgefloge sin. Dene zwaa Schize woars sou, als heense selbschd die Batsche krieht. Vor Wut un Kelt häwwese gezerrert wie die Gaasbeck. „Sou, jeh mach dich awwer fort, du drädiger Hoas, du“, hots Mordche gesoaht. Dann horrerm noch mol uff de Berzel geklobbt un horren laafe losse. Mer hot nor en Strich gesäihe, sou schnell is der Hoas devugeloffe. Un es Mordche hot sich uffgericht un horrem vegniegt noochgegudt un hot geruje: „Mäik ders, däs woar for die Katz!“