Vum Bensmer Woi

Melodie: Ein Heller und ein Batzen.

Houch klingt däs Lied vum Bensmer Woi,
Vum Bensmer Räwesaft.
De Erd, dem Meschd, dem Sunneschoi
Bedankter Dust un Kraft.

Drum, packt mich Laadmut als emol,
Greif ich zum Bensmer Woi.
Mit jeerem Schluck en Sunnestraahl
Dringd do ins Herz mer noi.

Trifft Eich es Schicksal noch sou schwer,
Is äbbes Eich falliert,
Trinkt nor e Fläschel, „Kalkgaß“ leer!
Do seid Ehr glei furiert.

Im Riesling uffem, Käichbäig“ lacht
Echt Bensemer Humor.
Es stroahlt die Welt in heller Pracht
Aus jerem Gläsel vor.

Un hoschde Sorje, grouß un klaa,
Holl glei e Fläschel ruff,
E Fläschel Woi vum „Paffestaa“
Der rafft Dich wirrer uff.

De „Straachling“, hoschde den prowiert,
Do schnalzde mit de Zung.
Do werd mer, ohne daß mer's spiert,
Uff aamol wirrer jung.

De „Hohbäig“ zu vegesse net,
De „Jakob” hengt do drou.
Däs sinn, waaß Gott die schläächste net;
Veel Annern weern drum frouh.

De „Hunsrick“ aa un „Geyersbäig“
Sinn zu veachte net.
Sterz die nor runner wie en Däik
Do hoschde glei doi Fett.

De „Pales“ kennt hier jeerer Buu
Un gitt der glei Bescheid.
De „Wolfsmoage“, noach Hambach zu,
Leiht freilich äbbes weit.

De„Vegersbäig“ bringt ohne Froag
Uns noch en prima Woi.
Drum soll mer dort sou noach un noach
Veel Räwe planze oi.
Der wu däs Lied mit Aadacht singt
Muß soage sich als Mann,
Daß, woas mer hier in Bensem trinkt,
Sich sähe losse kann.